PROFESORADO DE RELIXIÓNS:
Extinción do contrato
O contrato de traballo extinguirase nos seguintes casos:
- Cando a Consellería de Educación e Ordenación Universitaria adopte resolución en tal sentido, logo da incoación do expediente disciplinario dando conta aos representantes sindicais do profesorado e logo da comunicación á confesión relixiosa.
- Por revogación axustada a dereito da acreditación ou da idoneidade para impartir clases de Relixión por parte da confesión relixiosa que a outorgou.
- Polas demais causas de extinción previstas no Estatuto dos traballadores.
- No caso de traballadores ou traballadoras estranxeiros, pola extinción ou a non renovación da autorización de residencia ou de residencia e traballo, como consecuencia da concorrencia dalgún dos supostos para a dita extinción ou o incumprimento dalgún dos requisitos para a renovación establecidos na normativa de estranxeiría e inmigración.
Normativa
- REAL DECRETO 696/2007, do 1 de xuño, polo que se regula a relación laboral dos profesores de relixión prevista na disposición adicional terceira da Lei Orgánica 2/2006, do 3 de maio, de Educación (BOE 09/06/2007)
- Orde do 17 de xullo de 2007 pola que se regula a relación laboral do profesorado de relixión e se ditan instrucións relativas á provisión de postos (DOG 24/07/2007)