No Día Mundial contra a LGTBIQ+fobia, CCOO-Ensino manifesta o seu compromiso de loitar os 365 días do ano contra as discriminacións, o acoso e as exclusións que sofren as persoas LGTBIQ+.
Por iso presenta o material O mundo raro de Mermel, que consta dun conto e unha proposta didáctica para traballar a diversidade e as disidencias de xénero co alumnado de Educación Infantil e Primaria.
CCOO ten un plan e quere destacar neste 8 de Marzo a importancia do establecemento de plans de igualdade para as traballadoras do ensino que supoñan o acceso en igualdade de condicións ao traballo, acabar coa fenda salarial e desenvolver protocolos contra o acoso por cuestións de xénero, orientación sexual e identidade ou expresión de xénero, xa que estas traballadoras sofren unha dobre discriminación
CCOO neste 25 N, reitera o seu rotundo e total rexeitamento ás violencias contra as mulleres, a expresión máis dramática e cruel das desigualdades materiais e culturais que persisten, dirixidas a atacar a liberdade, a seguridade, a autonomía das mulleres e a mantelas nunha inxusta situación de inferioridade.
CCOO denuncia o continuo agravamento dos factores estruturais, que son o caldo de cultivo das violencias machistas: a feminización da pobreza, o desemprego e a precariedade laboral, xunto á ausencia dunha política de educación para a igualdade e a corresponsabilidade, e a insuficiencia de políticas activas de igualdade e de recursos suficientes e proporcionados para a prevención, protección e atención ás vítimas. Todos eles, factores que contribúen a aumentar as situacións de exposición ao risco, vulnerabilidade e dependencia de moitas mulleres.
Como lembranza a todas, todos e todes aqueles que loitaron polos dereitos que nestes momentos están ameazados polos ventos da intolerancia e a LGTBI-fobia e por unha sociedade e un sistema educativo limpo de transfobia, lesbofobia, bifobia e homofobia, CCOO vén de presentar unha queixa á Valedora do Pobo e solicitar unha xuntanza urxente do Observatorio Galego contra a discriminación por orientación sexual e identidade de xénero para esixir a retirada e non distribución do material da asociación de ultradereita HazteOir dos centros educativos galegos por incitación ao odio e delito de odio
Este é o seguinte paso tras a denuncia feita pola FECCOO á organización HazteOír diante da Fiscalía Xeral do Estado e a Comisión Europea contra o Racismo e a Intolerancia, por un posible delito de discurso de odio. A FECCOO entende que as cartas e materiais enviados aos centros docentes violan o Memorando da Comisión Europea contra o Racismo e a Intolerancia, a normativa educativa, a lexislación sobre a violencia e a normativa específica en materia LGTBI, ademais de supor unha situación de risco para o alumnado e para o sistema de liberdades.
SER BISEXUAL non é un capricho, ser bisexual non é un “erro”, non significa “que alguén non o teña claro”, nin tampouco que “necesite tempo para decidir sobre a súa opción sexual”… Ser bisexual significa sentir atracción por máis dun xénero, que non ten por que coincidir no tempo. A atracción por persoas de máis dun xénero pode ter diferentes expresións e vivirse de diferentes modos e con diferente intensidade.
