Modelo de Declaración Responsable para persoal que conviva con algunha persoa sospeitosa de padecer a COVID 19

O apartado 2.A.3. do Protocolo de Adaptación ao contexto da COVID-19 nos centros de ensino non universitario de Galicia para o curso 2020-2021, versión 16-09-2020, establece:

"Se algunha persoa do núcleo familiar é sospeitosa de padecer a COVID-19, o alumnado ou o persoal do centro que convivan con elas non poderán acudir ao centro ata que se coñeza o resultado da proba e sexa negativo. A persoa afectada ou a súa familia comunicarán o resultado á persoa coordinadora COVID do centro".

Os días que o persoal docente e non docente non poida acudir ao centro por esta circunstancia, xustificará a ausencia cunha declaración responsable (descargar modelo en PDF editable)

CCOO-ensino demanda que se clarifiquen as instrucións da Campaña de Vixilancia da Saúde

Ante as dúbidas xeradas pola pouca claridade das instrucións publicadas o pasado 21 de setembro, especialmente no referido ao persoal laboral temporal, CCOO-ensino ven de solicitar en escrito presentado perante a Consellería  aclaracións ás mesmas e que se permita ao persoal laboral indefinido non fixo a presentación de solicitudes no prazo ordinario

Campaña de vixilancia da saúde para o persoal dos centros educativos 2020-21

‌ É aplicable ao persoal docente e non docente (funcionario e laboral) en activo, que presta servizos nos centros docentes públicos non universitarios, dependentes da Consellería de Cultura, Educación e Universidade.

‌ A inscrición ten carácter voluntario, polo que se realizará logo da solicitude das persoas interesadas. As persoas responsables dos distintos centros de traballo facilitarán a información necesaria para a inscrición dos traballadores e das traballadoras.

‌ A inscrición realizarase de forma telemática no formulario de petición de recoñecemento na páxina web da Consellería de Cultura, Educación e Universidade na seguinte ligazón: https://revisionmedicaeducacion.xunta.gal ata o 11 de outubro

CCOO-Ensino demanda a Consellería a realización das probas da COVID-19 a todas e todos os traballadores aos que non se lle realizou, incluídos os temporais

En escrito presentado á Conselleria, CCOO-ensino demanda  se  proceda a realizar o cribado da COVID-19 a todo o persoal que aínda non se lle realizou, nomeadamente ( PSEC, profesorado interino e substituto) dando así cumprimento ao establecido no apartado 2.1 do protocolo de adaptación dos centros escolares ao contexto da COVID-19

CCOO-Ensino esíxelle á Consellería a dotación inmediata de EPI ao persoal dos centros educativos

No escrito presentado por rexistro, CCOO-Ensino esixe a dotación centralizada dos equipos de protección individual aos centros e de máscaras de alto grao de protección para as traballadoras e os traballadores que as precisen. 

CCOO ENSINO ESÍXELLE Á CONSELLERÍA DE EDUCACIÓN O REFORZAMENTO DO SERVIZO PÚBLICO DE PREVENCIÓN DE RISCOS LABORAIS ANTE O REINICIO EN SETEMBRO DA ACTIVIDADE EDUCATIVA PRESENCIAL

CCOO-Ensino ten coñecemento da realización nalgúns centros educativos da avaliación de riscos laborais de postos de traballo pola empresa privada Cualtis.

A Federación de Ensino de CCOO entende e reclama que esta avaliación deben realizala os servizos de prevención propios da Consellería de Educación, para o cal esixe a dotación de recursos humanos e económicos a estes servizos e que deixen de estar reducidos á súa mínima expresión por anos de contención de investimento público polos gobernos do Partido Popular en Galicia, demostrando a pouca importancia outorgada pola Administración á saúde  do seu persoal de servizos educativos.

Instrucións de actuación para persoal vulnerable por COVID-19, conciliación e persoal que presta servizos en provincias distintas á da súa residencia no proceso de reincorporación ás aulas

Velaquí podedes ver as instrucións que se han seguir.

CCOO-ensino rexeita o “PROTOCOLO” presentado pola Consellería de Educación porque non se dan as garantías sanitarias para un retorno seguro á actividade educativa presencial

Os representantes de CCOO-ensino, primeiro sindicato do ensino en Galicia, volvéronlle trasladar á Consellería de Educación a súa oposición a calquera retorno á actividade educativa presencial así como o rexeitamento ao "protocolo" presentado .

CCOO-Ensino esixe á Consellería de Educación que decida a finalización da actividade lectiva presencial no curso 2019-20

CCOO-Ensino demanda á administración educativa os informes previos sobre avaliación de riscos laboráis dos diferentes postos de traballo. Recomendamos a todas as traballadoras e traballadores a solicitude da avaliación do seu posto e se procede a adaptación dos mesmos para  asegurar ao máximo a protección ante posibles contaxios

As traballadoras e traballadores da Consellería de Educación abandonados á súa sorte na incorporación aos centros no inicio do proceso de desescalada

CCOO-ensino xa solicitou unha xuntanza urxente do Comité Intercentros de Seguridade e Saúde no Traballo da Consellería pois no marco da negociación colectiva é onde se deben tratar estes temas e non emitindo instrucións e recomendacións a dous días de iniciar a actividade o que redunda na incertidume e abandono que está a sufrir o persoal traballador da Consellería de Educación