Na reunión da Mesa Negociadora celebrada o 2 de decembro procedeuse a acordar as táboas salariais nos seguintes termos:

• Táboas  salariais  para  o  período  2022-2024,  para  CEE  e  Centros  de  Atención Especializada, de acordo á sentenza da Audiencia Nacional.
• Táboas de centros educativos sen concerto: incremento dos salarios base nun 3,5 %.
• Táboas de centros educativos con concerto:
  • Incremento do 2 % co compromiso de engadir un 1,5 % adicional en canto se verifique que a Administración o fai efectivo aos centros.
  • Incremento dos salarios base máis baixos a 925 euros.
  • Subida do valor do trienio de logopedas, fisioterapeutas, traballador/as sociais e outros titulados de grao ou de grao medio de 47,08 € a 64,54 €.
  • Posibilidade de pagar os atrasos ata o 30 de Xuño de 2023 en CEE e asistenciais.

Ademais, adquiríronse os seguintes compromisos:

1. Compromiso de modificar na próxima Mesa do 14 de decembro a ampliación do prazo no  contrato  por  circunstancias  da  producción  e  introducir  a  parcialidade  no  fixo discontinuo.  Unha  vez  realizados  os  cambios  oportunos  en  materia  de  contratación, enviaranse ao BOE as modificacións realizadas xunto ás táboas salariais.
2. Compromiso de negociación para cerrar a totalidade do convenio antes do 30 de marzo de 2023.
3. Compromiso de non formalizar os recursos anunciados.

Desde CCOO valoramos positivamente a reunión de hoxe, xa que marca o inicio dunha nova etapa no desenvolvemento da negociación do XVI convenio colectivo.