CCOO non asina as táboas salariais de 2023 da concertada
Nova relacionada: Preacordo sobre as táboas salariais de 2022 e 2023 do convenio de ensino concertado
Preacordo sobre as táboas salariais de 2022 e 2023 do convenio de ensino concertado
Esta mañá, día 4 de maio, reuniuse a Mesa Negociadora do VII Convenio de Ensino Concertado para valorar a última proposta presentada pola patronal. Nesa reunión, FSIE, USO, UGT e patronais firmaron o preacordo que achegamos para a vosa lectura.
O vindeiro 10 de maio terá lugar o asinamento definitivo do acordo. CCOO tomou a decisión de trasladar a información aos seus órganos internos para ter a oportunidade de avaliar os seus termos e tomar unha decisión definitiva ao respecto.
Concentración diante da Consellería de Educación polos acordos no ensino concertado
O día 25 de abril, ás 11:30, levouse a cabo unha concentración, convocada por CCOO, UGT e CIG, diante da Consellería de Educación, en Santiago de Compostela, en protesta contra a falta de compromiso da administración cos traballadores/as do ensino concertado.
Os sindicatos esixen que a Consellería cumpra co compromiso asumido na última Mesa Tripartita de sentarse a negociar un acordo de mantemento de emprego eficaz.
A situación dos traballadores/as do ensino concertado en Galicia é inaceptable e colócaos ao final da lista en relación ás demais comunidades autónomas. Se non se aceptan as propostas, a situación pode ser dramática para moitos traballadores/as, podendo haber peche de unidades e perda de postos de traballo.
Mobilización no ensino concertado
Martes 25 de abril de 2023 ás 11:30, diante da Consellería de Educación, en Santiago de Compostela
CCOO, UGT e CIG convocan aos delegados e delegadas do sector a unha concentración ante a falta de compromiso da Administración coas persoas traballadoras do ensino concertado.
As patronais da concertada modifican a súa proposta retributiva inicial para 2022 e 2023
As patronais presentaron unha nova proposta salarial para 2022 e 2023 durante a reunión da Mesa Negociadora do VII Convenio Colectivo do 17 de abril de 2023. CCOO mantén as propostas que presentou en reunións anteriores, mentres que as patronais modificaron a súa proposta inicial.
A proposta de CCOO inclúe un incremento salarial adicional do 1,5% para todo o persoal en 2022 e un incremento salarial do 2,5% para todo o persoal en 2023, xunto cun salario base de 1080 € para as categorías profesionais con retribucións máis baixas. As patronais propoñen incrementar salarios de forma diferenciada en función do tipo de persoal, o que é considerado insuficiente por CCOO.
Se non se chega a un acordo, CCOO ameaza con tomar medidas de presión.
A patronal do ensino concertado bloquea o asinamento das táboas salariais para 2022 e 2023
A patronal do ensino concertado bloqueou o asinamento das táboas salariais para 2022 e 2023. Na reunión da Mesa Negociadora, para 2022, as organizacións patronais propoñen non asinar ningún incremento para o PAS nin para o resto do persoal de niveis non concertados. Para 2023, rexeitan incrementar o 2,5 % en pagamento delegado ata que o Ministerio de Facenda informe por escrito de que asume o 0,5 % das cotizacións. Tampouco fixeron ningunha proposta sobre o SMI e a súa aplicación en 2023, a pesar de térmola solicitado.
A patronal non aceptou nada do exposto polas organizacións sindicais e a reunión rematou sen acordo. As organizacións sindicais imos iniciar unha campaña informativa ás persoas traballadoras e iremos tomando as decisións máis adecuadas para conseguir o xusto obxectivo que formulamos: que todas as persoas traballadoras teñen un incremento salarial equivalente ao experimentado polos módulos dos concertos e unha solución para a aplicación do SMI.
Toda a información, no documento en PDF.
CCOO reclama mobilizacións no ensino concertado
CCOO considera que, se neste mes de marzo non se producen avances na reposición de dereitos suprimidos ás persoas traballadoras do ensino concertado, tal como se acordou na Mesa Tripartita do Ensino Concertado do 16 de decembro de 2022, a mobilización do sector será unha esixencia inescusable.
Os traballadores/as da concertada galega á cola do Estado.
Acordos de CCOO co Goberno con repercusión na Concertada
Estes son os acordos de CCOO co Goberno que teñen repercusión no Ensino Concertado.
Sen acordo sobre as táboas salariais de 2022 de Concertada na Mesa Negociadora
A reunión da Mesa Negociadora do 7 de febreiro finalizou, unha vez máis, sen acordo, xa que as organizacións patronais néganse, de momento, a actualizar as táboas salariais de 2022 co incremento adicional do 1,5 %, froito do acordo retributivo asinado por CCOO no ámbito da Función Pública.
CCOO defende a actualización das táboas salariais do 2022 do ensino concertado
Na mesa negociadora do VII convenio colectivo defendeuse a necesidade de actualizar as táboas salariais, desde o 1 de xaneiro de 2022, nun 1,5 % adicional.