As profesionais de apoio educativo e de servizos complementarios atenden directamente ao alumnado en escolas infantís e centros de educación e, en colexios e institutos, realizan tarefas de apoio a alumnado, profesorado e familias. Con todo, para a oferta de emprego extraordinaria en educación, non terán as mesmas vantaxes que os sectores considerados prioritarios. Por iso é polo que a Federación de Ensino de CCOO esixa que as persoas que se integran neste colectivo sexan consideradas para todos os efectos persoal do sector educativo e benefíciense das mesmas condicións incluídas no acordo para a redución da precariedade do emprego público asinado onte.
O compromiso alcanzado co Goberno contempla unha taxa de reposición de efectivos do 100% no sector educativo, así como a transformación de prazas estruturais cubertas por interinos en fixas, reducindo a temporalidade ao 8%. Así mesmo, inclúe a creación de mecanismos para a análise e control da temporalidade e abre a posibilidade de integrar en sucesivos acordos outros sectores educativos como as universidades ou o persoal de servizos educativos complementarios.
O acordo establece que a convocatoria de prazas de carácter estrutural de persoal laboral con contrato de indefinido non fixo por sentenza xudicial non será tida en conta a efectos de taxa de reposición. Na Oferta de Emprego Público de persoal laboral fomentarase a utilización da promoción interna, que non computará a efectos de taxa de reposición.
O emprego público é un factor fundamental do sistema educativo e unha garantía para a calidade da educación. Desde FECCOO defendemos os procesos de consolidación de emprego temporal. Coa firma deste acordo ábrese unha vía de traballo para reverter os recortes de dereitos e de persoais do persoal de apoio educativo e de servizos complementarios.